Грыцук Іван Міхайлавіч нарадзіўся 25 кастрычніка 1932 года ў вёсцы Мацвеевіч, Жабінкаўскага раёна, Брэсцкай вобласці.
У 1979 годзе скончыў Усесаюзны завочны электратэхнічны інстытут сувязі, па спецыяльнасці эканоміка і арганізацыя сувязі.
Працоўную дзейнасць пачаў ў 1950 годзе пасля заканчэння Брэсцкага рамеснага вучылішча сувязі. Працаваў начальнікам раённых вузлоў сувязі Гродзенскай вобласці, кіраўніком Гродзенскага абласнога вытворча-тэхнічнага кіравання сувязі.З 1976 года - першы намеснік міністра сувязі БССР.
Са студзеня 1980 па верасень 1994 году - Міністр сувязі і інфарматыкі Беларусі.
У 1970 годзе ўзнагароджаны медалём "За доблесную працу».
У 1974 годзе ўзнагароджаны ордэнам працоўнага Чырвонага сцяга.
У 1975 годзе ўзнагароджаны значком «Ганаровы радыст».
У 1976 годзе прысвоена званне «Заслужаны сувязіст БССР».
У 1981 годзе ўзнагароджаны ордэнам Кастрычніцкай рэвалюцыі.
У 1982 годзе прысвоена званне "Майстар сувязі».
У 1985 годзе ўзнагароджаны нагрудным знакам спецыяльнай сувязі «Ветэран службы».
У 1986 годзе ўзнагароджаны ордэнам Леніна.
У 1990 годзе ўзнагароджаны медалём «Ветэран працы».
З 1980 па 1990 гады абіраўся народным дэпутатам Вярхоўнага Савета БССР.
У 1992 годзе быў абраны сапраўдным членам (акадэмікам) Міжнароднай Акадэміі інфарматызацыі па аддзяленню: «Вылічальная тэхніка і інфарматызацыі розных галін народнай гаспадаркі і навуковых даследаванняў Рэспублікі Беларусь».
